شعر چيچست
چیچست
قایتارین یوسف گم گشته می گلسین وطنه آغلامارام
بیرده یاریم قایدیب گلسه بو بیت الحزنه آغلامارام
بیرده دریای ئورک قانه یازان شعرینی دیللندیرسه
اوخوسا شیوه ی بابک له بیزیم انجمنه آغلامارام
بیرده بابک له کبوداندا اگر قول بویون اولسام نه غمیم
بیرده بابک قالاچای جمع ایله چیچسته انه آغلامارام
خسته یم خار خزان باغریما اوت سالدی منیم ای یاران
گله گر سرو چمن چم خم ایله بو چمنه آغلامارام
گلسه چیچسته اگر چهره گشا ایله بیزیم سویگلوموز
آچسا جغرافی کتابین اوخوسا بیرده منه آغلامارام
او صمد چایلی نی سالسا یانینا بو قالاچایدا اوخوسا
گلرم شهر عجب شئرله بو گون شور و شنه آغلامارام
عمرینی تحقیق ایله یاز ماقیلا ائتدی گرانمایه حسین
حقی وار آذربایجان گووه نه بو اره نه آغلامارام
بو عجب شئر شهری دین وادب ئولکه سی دی جنتدی
آفرین نقشه ی زیباسینه نقشین چکنه آغلامارام
بو عجب شئر گووه نیر دررسینه شیفته سینه شاعرینه
بو ملک لر یاراشیللار بو بهشت عدنه آغلامارام
قالابیلمز قالابابک سیز آماندیر گتیرین بابکیمی
سحری نور چیله سین چوللره دشت و دمنه آغلامارام
ئولمیوب شهریمیزین شهره ی شیرین سخنی چیچستی
بابکین ئولمگی تئزدی گله جک انجمنه آغلامارام صمد محمد زاده «صفا»